Deep Sundar Hai By Mawra Talha

Welcome to Bazmenovels

The ultimate destination for Urdu novel lovers!

Dive into a world of romantic tales, thrilling adventures, and timeless classics — all in the beautiful Urdu language. Whether you’re a fan of legendary writers or rising stars, you’ll find stories that steal your heart and keep you turning the pages.

📚 Free downloads, smooth reading, and a peaceful space for every story lover.

Join thousands of readers who visit daily for their dose of literary joy

Sneakpeak

“تمہاری امی پریشان تھیں ان کی طرف جانا چاہو تو بتا دو۔”
اس کے سارے چیک اپ کروائے ، ڈاکٹر سے خود طویل گفتگو کی اور واپسی پر یہ سوال کیا۔
“نہیں۔ مجھے کہیں نہیں جانا۔“
سوال سیر جواب سوا سیر رہا۔
“جیسے تمہاری مرضی۔”
سکون سے کندھے اچکا دیے گئے۔
“جی بالکل۔ سب کچھ میری مرضی سے ہی تو ہو رہا ہے۔”
خاموش رہنا مشکل تھا۔
اس نے ضبط سے مٹھیاں کھینچتے ہوئے خود کو کچھ سخت ملانے سے باز رکھا۔
“اگر آپ کی مرضی وہ ہے جو پچھلے تین ماہ سے کر رہی ہیں تو معذرت اس کی اجازت نہیں دے سکتا۔”
“میں نے….. میں نے یہ سب کب چاہا تھا؟آپ مجھ پہ الزام لگا رہے ہیں؟“
اس الزام پہ تڑپ ہی تو گئی۔
“میں کوئی بحث نہیں کرنا چاہتا۔”
مزید کوئی جواب دیے بنا گاڑی واپسی کے راستے پر موڑ لی۔
“مگر مجھے جواب چاہیے۔ آپ کے گھر سے مجھے نکالا گیا، میری ایک بات تک نہ سنی گئی اور آپ ہی مجھ یہ الزام لگا رہے ہیں۔”
“تم میرا انتظار کر سکتی تھی۔”
“مجھے اتنی مہلت کپ دی گئی ؟“
“تم مجھ سے رابطہ کر لیتیں۔”
“کیا تھا اور ساری رات رابطے کی کوشش کرتی رہی۔”
“میں تمہارا کوئی عذر نہیں مان رہا۔“
“ماننا پڑے گا ہارون لیاقت۔”
اس کا لہجہ ہی اونچا نہیں تھا وجود بھی چٹخا ہوا تھا۔ غصے سے ہارون کا بازو جھٹکا تو گاڑی اچھی خاصی ڈول گئی۔
“یہ کیا بد تمیزی ہے؟“
ہارون نے عدن کا ہاتھ اپنے بازو سے شدت سے ہٹایا۔
“اس بدتمیزی پہ آپ مجھے مجبور کر رہے ہیں۔ اگر مجھ پہ یقین نہیں تھا تو کیوں تلاش کر رہے تھے؟ کیوں واپس لائے اور اب فکر کا دکھاوا کرنے کی کیا ضرورت ہے۔ مجھے سب پتا ہے آپ مجھے صرف اس بچے…..”
“خاموش… ایک لفظ اور نہیں۔تمہارا دماغ اس وقت کام نہیں کر رہا تو ضروری نہیں تم میرا بھی خراب کرو۔ اب مجھے ہلکی سی آواز بھی سنائی نہ دے۔“ وہ اس قدر اونچی آواز میں دھاڑا کہ واقعی وہ کچھ بول نہیں پائی۔